«Қазақы қара өлеңнің падишасы» поэзия кеші

Қожакент ауылдық кітапханасының оқу залында 5 желтоқсан   күні Ақын Фариза Оңғарсынованың 80 жылдығына арналған «Қазақы қара өлеңнің падишасы» тақырыбында  поэзия  кеші өтті.

Мақсаты:  Поэзия падишасы Фариза Оңғарсынованың  өмірімен, шығармашылығымен таныстыру. Оқушының тіл мәдениетін қалыптастыру, жеке тұлғаны дамыту, ақын тіліне деген көзқарасын білу, туған жерді және табиғатты сүйе білуге, ананы  қыздарды құрметтеуге тәрбиелеу.

Шарада  ақынның шығармашылығы жайлы айтылып, оқушылар  ақынның өлеңдерін  жатқа оқыды.  Клуб қызметкерлері Талғат Тұрсынбаев пен Фархат Бакиров ақынның өлеңдеріне жазылған «Жайықтың толқындары» және ақиық ақын М.Мақатаевтың Фариза Оңғарсыноваға арнаған  «Фариза» т.б. әндерін орындады.

Кітапханашы «Қазақы қара өлеңнің падишасы » атты тақырыпта кітап көрмесіне шолу жасады.