«Туған жер» жобасы аясында «Қайталанбас тұлғалар» атты кездесу кеш

2020 жылдың 10 қаңтар күні Жаңақорған аудандық орталық кітапханасының ұйымдастыруымен «Туған жер» жобасы аясында «Қайталанбас тұлғалар» атты ауданымызға еңбегі сіңген құрметті азаматтары Ф.Сахиев, З.Шермағамбетов, Ж.Бегманова, композитор Б.Байкенжеевтің ұлы Ә.Өтепбергеновпен  кездесу кеші өткізілді. Мақсаты өскелең ұрпаққа елі үшін еңбегін аямаған, туған жердің әр тауы мен тасын аялаған, қай кезде де ұлы істердің басында жүрген, ұрпақтың қадірі мен қасиетін білген бірегей жандарды танытып, насихаттау.

Шара барысында мәдени-тәрбиелік жұмыстар орталығының директоры А.Ержанов кешті ашып, өнерпаздар Т.Тұрсынбаев, Ф.Бакировтер сазгер Б.Байкенжеевтің «Туған жер» әнін нақышына келтіре орындады. Кеш қонақтары өздерінің өмір жолы мен қызмет ету жолындағы естеліктерімен, шығармашылығымен, оқушыларға арналған өсиет сөздерімен бөлісті. Оқушылар ауданымыздың құрметті азаматтарына арналған бейнеролик көрсетіп, ақын А.Сопыбековтың Ж.Бегмановаға, Ф.Сахиевке, З.Шермағанбетовке арнаған өлеңдерін оқыды. Сондай-ақ Нұр-Сұлтан қаласындағы Президент оркестрінде солист боп жұмыс жасайтын әнші А.Иманбердинаның орындауындағы «Бастау» күйі, ұстаз Г.Қалқожаева мен ұлы Н.Жомартұлының орындауындағы «Жаңақорған» әні көпшіліктің көңілінен шықты.

Шара сонында ардагер З.Шермағанбетов кітапханаға өз кітаптарын сыйға тарту етіп, жастар – біздің болашағамыз, сондықтан жас ұрпақ әдебиеттерді көп оқып, тек алға ұмтылу керектігін айтып өтті. Шара соңында келген қонақтарға арнайы сый-сияпат жасалынды.