«Қазақстанның болашағы –жастардың қолында»

Қожакент ауылдық кітапханасының оқу залында  22 қаңтар күні «Қазақстанның болашағы – жастардың қолында» атты баяндама сағаты өтті.  Шара барысында  жасампаз елдің жастары қандай, олар нені армандайды? Әлемдегі дамыған елдердің қатарына қосылуды мақсат тұтқан, ширек ғасырда ширап, аз ғана уақытта алдыға қарыштап дамыған Қазақстанның болашағы кімдердің қолында? Бүгінгі жастар үшін Ұлттық, елдік, мемлекеттік құндылықтар дегеніміз не? Жастарды қандай мамандықтар қызықтырады? Мемлекет жастарға қандай жағдай жасады? Жастар мемлекет үшін не істеді? Оларды не ойландырады, не толғандырады? Қандай тың бастамалары мен идеялары бар? Бүгінгі жастардың қолынан не келеді? деген сұрақтарға  кітапхананың жас  оқырмандары  өз ойларын білдіріп, пікір алмасты.

Мақсаты: Бүгінгі таңда жылдам дамып, сәт сайын өзгеріп отырған қоғамда қордаланып қалған, күрмеуі қиын мәселелер көп. Сонымен қатар, жастардың алдына да қойылып отырған мақсат-міндеттер аз емес. Тығырықтан шығудың жалғыз жолы – білімді ұрпақ. Бүгінгі жастардың бақытына орай, бізде тегін білім алып, ғылыммен шұғылданып, идея бөлісіп, оны жүзеге асыруға толық мүмкіндік жасалғаны туралы түсінік беру.