«Қазақ жырының Қадыры» әдеби кеш

29 қаңтар күні Жаңақорған аудандық орталық кітапхананың ұйымдастыруымен №56 мектептің кітапханасында ақын Қадыр Мырза Әлінің 85 жылдығына орай  «Қазақ жырының Қадыры» атты әдеби кеш өткізілді. Мақсаты:  Дарабоз  дарынды ақын, қарымды қаламгер, қазақ  ұлтының мақтанышы Қадыр Мырза Әлінің шығармашылығын насихаттау, оқушыларды кітап оқуға баулу.

Іс-шара барысында ақынның өмірі мен шығармашылығына кітапханашы кеңінен тоқталып, «Ұлт тілін ұлықтаған тарлан ақын» атты кітап көрмесімен таныстырды. Оқушылар ақынның «Туған жер», «Ауылды аңсау», «Ой арманы», «Болайын деп жақсы ұлы өңірдің», «Кім мықты дүниеде, адам мықты» атты     өлеңдерін оқып, ақынның сөзіне жазылған «Өз елім»,  «Атамекен» атты әндерін хормен орындады.