«Ертегі сыр шертеді»

Жаңақорған аудандық балалар кітапханасының ұйымдастыруымен 2020 жылдың  12 ақпан күні   «Ай-Ханым» жеке балабақшасында «Әжем айтқан ертегі» жоба аясында «Ертегі сыр шертеді» атты кітап десанты өткізілді.

Мақсаты:  Бүлдіршіндерді кітап оқуға баулу, адамгершілік негіздерін қалыптастыру, шығармашылық қабілеттерін дамыту және ортада өздерін еркін ұстау.

Кітапханашы Ж. Тулешова балақайларға «Жолбарыстың өнер үйренуі»,  «Тазалықты сүйеміз» атты кітаптарды оқып, балалармен бірге талқылады.  «Ай-Ханым» балабақшасына қонаққа келген Б.Ахметова әжей балаларға  бауырсақ ертегісін  айтып берді.  «Бәйтерек» тобының балалары ертегідегі кейіпкерлерді сомдады.