«Абай – ұлттық әдебиетіміздің алтын діңгегі»

21 ақпан күні Төменарық ауылдық кітапханасының ұйымдастыруымен ақын Абай Құнанбаевтың 175 жылдығына орай «Абай – ұлттық әдебиетіміздің алтын діңгегі» атты әдеби кеш болып өтті.

Кештің мақсаты: Ақынның өнегелі өмірімен таныстыру, ақынның даналығын,  рухани асыл мұраларын насихаттап, өлеңдерін, әндерін мәнерлеп оқу. Көркем сөйлеуге, өз бетімен іздене білуге, шығармашылықпен жұмыс істеуге көмектесу.

Шараны кітапханашы Ж.Дауренбекова ашып,  9 -10 сынып оқушылары өз өнерлерін көрсетті. Оқушылар «Желсіз түнде жарық ай», «Әсемпаз болма әрнеге», «Айттым саған Қаламқас» атты әндерін орындады. Кеш соңында кітапханашы «Адамзаттың шамшырағы – Абай» аттты кітап көрмесімен таныстырды.