«Абай дана, Абай дара қазақта»

27 ақпан күні Жаңақорған аудандық орталық кітапхананың ұйымдастыруымен Жаңақорған аграрлы техникалық колледж студеттері арасында кемеңгер ақын Абай Құнанбаевтың 175 жылдығына орай «Абай дана, Абай дара қазақта» атты Абай оқулары сайысы өткізілді. Мақсаты ұлы ақынның шығармаларын, әндерін мәнерлеп айту, көркем сөйлеуге, өз бетімен іздене білуге, шығырмашылықпен жұмыс істеуге баулу. Абай өлеңдерін жаттап, сөз қадірін білуге тәрбиелеу.

Абай оқулары  3 кезеңнен, І кезең: «Өлең сөздің патшасы, сөз сарасы». Бұл кезеңде Абайдың шығармаларын мәнерлеп жатқа айту сайысына 8 талапкер, ІІ кезең: «Көңілім әнді ұғады» — Абай әндерін орындау сайысына 5 талапкер, ІІІ кезең: «Жүйріктен жүйрік озар жарысқанда» — жас дарындар сайысы/өз шығармаларын орындау сайысына 3 талапкер қатысты. Сайысқа М.Көкенов атындағы шыгармашылық мектебінің директоры У.Ибрагимов, «Жаңақорған тынысы» газетінің тілшісі М.Ганиева, оқырмандарға қызмет көрсету бөлімінің меңгерушісі М.Алжанова әділқазылық етті.  Сайыс талабы бойынша өнер көрсетіп, жеңіске жеткен  студенттерге  кітапхананың атынан алғыс хаттар табыс етілді.