«Ауылымның ардақтылары»
20.05.2020
2020 жылдың 20 мамыр күні Бірлік ауылдық кітапханасы «Ауылымның ардақтылары» атты айдармен библиопост жобасын оқырман назарына ұсынды.
Мақсаты: Ауылдан шыққан ұлы тұлғалардың есімін ұлықтау; Қазақстан Республикасы Білім беру ісінің үздігі, Қызылорда облысының құрметті қайраткері, 2000 жылы «Ғасыр адамы» байқауында Қызылорда облысы бойынша «Шабыттың шыққан шыңында» номинациясының иегері атанған Сексенәлі Рахановтың өнегелі өмір жолымен, шығармашылығымен таныстыру.
Шара барысында Сексенәлі Рахановтың мектепті ең алғашқы болып алтын медальмен бітіріп, 1971 жылдары Қызылорда педагогикалық институтын физика мамандығы бойынша тәмамдап, еңбек жолын Жаңақорған ауданындағы N55-орта мектептен бастағаны, 1976-79 жылдары кәсіптік-техникалық училищесінің директоры, 1979-87 жылдары облыстық кәсіптік-техникалық білім беру басқармасы бастығының орынбасары, 1987 – 2005 жылдары Қызылорда қаласындағы кәсіптік-техникалық мектептердің директоры, 2005 жылдан облыстық арнаулы санаториялық мектеп-интернаттың директоры қызметін атқарғаны жайлы және кәсіптік-техникалық білім беру саласында жеткен жетістіктері үшін 1983 ж «Қазақстан Республикасы кәсіптік-техникалық білім беру үздігі» атанғаны жайлы баяндалды.
