«Абайдың өзі де рас, сөзі де рас»

31 қаңтар күні  Жаңақорған аудандық орталық кітапханасының ұйымдастыруымен №51 М.Қаратаев атындағы орта мектепте ұлы ақын Абай Құнанбайұлының 175 жылдық мерейтойына орай «Абайдың өзі де рас, сөзі де рас» атты әдеби сазды кеш өткізілді. Мақсаты: Ұлы ақынның өнегелі өмірін, шығармашылығын, рухани асыл мұраларын насихаттап, шығармаларын мәнерлеп оқуға баулу. Шара Абай Құнанбайұлының өмірбаяны мен шығармашылығын баяндайтын слайдты презентациямен басталып, мектеп директоры Ж.Ибрагимовке сөз берілді. Кеш қонағы аудандық «Жаңақорған тынысы» газеті редакторының орынбасары, Журналистер Одағының мүшесі Б.Үсейіноваға беріліп, Абайдың тамаша шығармалары мен жалынды жырларынан үзінді келтіре отырып, оқушыларға тағылымды әңгімелер айтты. Оқушылар ақынның «Желсіз түнде жарық ай» әнін орындап, өлеңдері мен қарасөздерін жатқа айтты. «Абайдың бозбала шағы» атты көрініс көрсетілді. Кітапханашы М.Жиенбаева «Өлмейтұғын артына сөз қалдырған» атты кітап-инсталяция  көрмесімен таныстырып, оқушыларды кітап оқуға шақырды. Кеш соңы Абайдың әсем әндеріне  ұласты.