«Қайталанбас тұлғалар»

Жаңақорған аудандық орталық кітапханасының ұйымдастыруымен «Туған жерге тағзым» жобасы аясында «Қайталанбас тұлғалар» атты ауданымызға еңбегі сіңген құрметті азаматтары Ф.Сахиев, З.Шермағамбетов, Ж.Бегманова, композитор Б.Байкенжеевтің ұлы Ә.Өтепбергеновпен  кездесу кеші өткізілді. Мақсаты: Өскелең ұрпаққа елі үшін еңбегін аямаған, туған жердің әр тауы мен тасын аялаған, қай кезде де ұлы істердің басында жүрген, ұрпақтың қадірі мен қасиетін білген бірегей жандарды танытып, насихаттау.

Шара барысында мәдени-тәрбиелік жұмыстар орталығының директоры А.Ержанов кешті ашып, өнерпаздар Т.Тұрсынбаев, Ф.Бакировтер сазгер Б.Байкенжеевтің «Туған жер», «Жаңақорған» атты әндерін орындап, кеш  қонақтары өздерінің өмір жолы мен қызмет ету жолындағы естеліктерімен бөлісті. Оқушылар бейнеролик көрсетіп, «Бастау» атты күйін орындады.