«Тәуелсіздік – ұлы мұрат, қастерлі ұғым»

2021 жыл 12 қаңтар күні №1 кенттік кітапханасында Тәуелсіздігіміздің 30 жылдығына орай «Тәуелсіздік – ұлы мұрат, қастерлі ұғым» атты кітап көрмесі ұйымдастырылды. Көрмеде еліміздің тәуелсіздік алған сәтінен бастап бүгінге дейінгі жүріп өткен жолы туралы қаламгерлердің жазған еңбектері мен тәуелсіздік жылдарында баспадан шыққан әдебиет туындыларымен қамтылды.

Қазақ хандығының іргесін қалаған Керей мен Жәнібек хандардан бастап бүгінгі Тәуелсіздігіміздің Тұңғыш Президенті Н.Ә. Назарбаевтың елге сіңірген еңбектерін баяндайтын «Нұрлы жол – мәңгілік ел» кітабы, Адырбек Көлбайдың «Тәуелсіздікке талпыныс», Бәкір Әбдіжәлелдің «Тәуелсіздік тағдыры», Тоқашбаев Мараттың  «Тәуелсіздік — тынысым», Досанов Сәбиттің  «Тәуелсіздік толғауы», Қозыбаев Манаштың  «Киелі тәуелсіздік» публицистикалық мақалалары,  «Жыр тұғырым тәуелсіздік», «Тәуелсіздік идеясы және көркем мәдениет» ұжымдық монографиясы  және басқа да көптеген кітаптар қойылды. Көрмеге 40-тан астам кітаптар, тақырыпқа сай суреттер қойылып,  көрнекіліктер ілініп, 20 оқырман кітап көрмесімен танысты.   Көрмені №1 кенттік кітапхананың кітапханашысы   Ұ.Иманбаева таныстырып, кітапхананың тұрақты оқырманы А. Амангелді «Тәуелсіздік» атты өлеңін ұсынды.