«Тәуелсіздігіміздің 30 жылдығына 30 кітап»

2021 жылдың 11 қаңтар күні Жаңақорған аудандық кітапханасында  «Бір ел-бір кітап» республикалық  акциясы аясында «Тәуелсіздігіміздің 30 жылдығына 30 кітап» атты  кітап көрмесі жасақталды. Көрменің мақсаты: Оқырманның  кітапқа  деген қызығушылығын арттыру, кітап оқуды насихаттау, өскелең ұрпақтың зияткерлік-рухани дамуына ықпал ету.

Шара барысында кітап көрмесімен оқу залының кітапханашысы таныстырып әдебиеттерге шолу жасады. Көрмеде қаламгерлердің жазған  еңбектері Ж.Нәжімеденовтың, Е.Ұлықбектің шығармалары, Т.Тоқтарәлінің «Түн парақтары» атты поэзиялары, Д.Рамазанның «Пешене», Р.Отарбаевтың  «Айна-ғұмыр» атты  драматургиясы, М Омарованың  «Көмбе наның дәмі», Т.Жармағамбетовтың  «Отамалы», Т.Сәукетаевтың «Желқайық», Т.Нұрмағанбетовтың «Періштелердің өлімі» атты прозалары,  М.Қабанбаев, Б.Соқпақбаев, М.Айымбетовтың «Таңдамалы шығармалары» мен  Б.Әдетовтың «Еңлік», атты балалар әдебиеттері, Б. Генрихтің «Катарина блюмнің арынан айырылуы», А.Кристи «Ғайып болған миллион», К. Юсуп «Желқайық» атты аудармалары  қойылып, жазушы Т.Нұрмағанбетовтың «Періштелер өлімі» атты романына «Жаңақорған тынысы» газетінің бас редакторының орынбасары Б.Үсейнова қысқаша талдау жасады.