«Қазақ жырының құдіреті»

Жаңақорған аудандық балалар кітапханасында 5 ақпан күні N169 мектептің 8 сынып оқушыларының қатысуымен, кітапханашылар мен мектеп тәлімгері М.Сейітованың бірлесіп ұйымдастыруымен «Бір ел — бір кітап» республикалық акциясы аясында ақиық ақын М.Мақатаевтың «Өмірдастан» кітабын насихаттау, ақынның өмір жолымен, шығармашылығымен таныстыру, ақын жырларынан үлгі алу мақсатында «Қазақ жырының құдіреті» атты поэзия кеші өткізілді.

Шара барысында оқушылар шараны  алдымен ақынның өз өмір жолы жазылған «Менің анкетам» өлеңімен бастап, «Менің ғасырым», «Шеше сен бақыттысың», «Отан», «Дос болам десең» атты өлеңдерін оқыды. Сондай-ақ кітапханашы М.Бибасарова «Ғасыр ақыны — Мұқағали» атты кітап көрмесімен таныстырды. Шараға қатысқан мектеп директорының тәрбие ісі жөніндегі  орынбасары С.Жанадилова ақынның тағылымды жырларынан үлгі алуды, ақын мұрасы болашақ ұрпақтың  қастерлеп ұстайтын қазынасы екенін айтса, аудандық М.Көкенов атындағы шығармашылық ұжымның жетекші маманы У.Ибрагимов ақын сөзіне жазылған Д.Сыздықовтың «Бесік басында» әнін орындады. Кітапхана меңгерушісі М.Жиенбаева шараны қорытындылап, қатысқан оқушыларға, мектеп ұстаздарына  алғысын білдірді.