«Тәуелсіздікке қол жеткізу!» атты шара

2021 жылдың 14 желтоқсан күні №1 кенттік кітапхананың және №125 С.Сапарбеков атындағы жалпы орта мектебінің 5(в)-сынып жетекшісі Темірханова Гүлзираның ұйымдастыруымен «Парасат жолы» жобасы аясында Тәуелсіздік күніне орай «Тәуелсіздікке қол жеткізу!» атты шара өткізілді. Шараға мектеп директорының тәрбие ісі жөніндегі орынбасары Шайықова Ақерке, мектеп мұғалімдері және ата-аналармен 5(в)-сынып оқушылары қатысты. Сынып жетекшісі Гүлзира апай оқушыларына тәуелсіздіктің  оңай жолмен келмегенін, қаншама аға-апаларымыздың ерен еңбектерімен, өз елім, жерім деп дүниеден өткенше беріспей кеткендігін нақтылап айтып өтті. Оқушылар тәуелсіздік жайлы өлең-жырларымен бөлісіп, 1986 жылы болған көтерілісті еске ала отырып, көріністер де қойып өтті.

Мақсаты: Оқушыларға ата-бабаларымыздың Тәуелсіздікке қалай жеткенін баяндау, көрсету. Өз елін, ана тілін сүюге, қадірлеуге, осы елдің ұланы екенін мақтан етуге баулу.

Шара соңында кітапханашы «Жыр – Тұғырым — Тәуелсіздік» тақырыбындағы кітап көрмесімен таныстырып өтті. Кітап көрмесіне Адырбек Көлбайдың «Тәуелсіздікке талпыныс» кітабы, Досанов Сәбиттің «Тәуелсіздік толғауы», Қозыбаев Манаш «Киелі Тәуелсіздік», Бәкір Әбдіжәлел «Тәуелсіздік тағдыры», «Желтоқсан көтерілісі»,Осман А.Ә. «Тіл тәуелсіздігі-ел болашағы» арнау кітаптары және т.б көптеген түрлі көрнекіліктер мен суреттер, 25-ке жуық кітаптар қойылды.