«Тәуелсіздік-елімнің ең биік тұғыры» атты кітап көрмесі

Жаңақорған аудандық кітапханасының Оқырмандарға қызмет көрсету бөлімімен №3 мектеп-интернатының оқушыларының қатысуымен «Тұғырың биік болсын Тәуелсіздік» атты іс-шарасы ұйымдастырылып, «Тәуелсіздік-елімнің ең биік тұғыры» атты кітап көрмесі жасақталды.

Мақсаты: оқушыларға қазақ халқының тәуелсіздік жолындағы ерлік күресі мен ғасырлар бойы басынан өткен қиыншылықтарын айта келіп, осы қиын жылдары елінің азаттығын, еркіндікті аңсаған ұлт зиялыларына тоқталу. Тәуелсіз Қазақстанның 30 жыл ішіндегі қол жеткен жетістіктерімен таныстыру.

Шара Қазақстанның әнұранымен ашылып, интернаттың оқу-ісі жөніндегі орынбасары Г.Әлібековаға сөз берілді. Оқушыларға тәуелсіздік қазақ еліне оңайлықпен келмегенін айта кетіп, желтоқсан оқиғасына тоқталып кетті. Қазақстанның 30 жылда жеткен жетістіктеріне шолу жасады. Сондай-ақ өнерпаз оқушылар өз өнерлерін ортаға салды. Сөз кітапхана қызметкері М.Кадирбергеноваға беріліп, кітап көрмесін таныстырды, көрмеде Елбасымыз Н.Назарбаевтың кітаптары, Тәуелсіздікке байланысты кітаптар, нақыл сөздермен толықтырылды және осы тәуелсіздікке байланысты Елбасымыздың бекіткен «Елдіктің жеті тұғыры» атты өзгермитін қағидаты қамтылды.