«Балаларға базарлық» кітабының авторы Қосанов Оразбай Сағындықұлымен «Zoom» платформасы арқылы онлайн кездесу кеші

10 ақпан күні  Жаңақорған аудандық балалар кітапханасының ұйымдастыруымен ҚР Президенті Қ.Тоқаевтың  2022 жыл – Балалар жылы деп жариялауына орай  Қазақстан білім беру ісінің үздігі, Қазақстан журналистер Одағының мүшесі, «Балаларға базарлық» кітабының авторы Қосанов Оразбай Сағындықұлымен  «Zoom» платформасы арқылы онлайн кездесу кеші өткізілді. Мақсаты: Балалар шығармашылығына үлес қосып жүрген   қаламгерлеріміздің мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, балалардың кітап оқуға құлшынысын және еліне, жеріне деген сүйіспеншілігін арттыру.  «Zoom» конференциясы арқылы өткізілген бұл шараға аудан кітапханашылары, облыстық Ә.Тәжібаев атындағы әмбебап кітапханасы, Сырдария, Қазалы, Жалағаш аудандарының кітапханашылары, аудандық оқушылар үйінің «Туристік өлкетану» үйірмесінің жетекшісі Ф.Маханова, кітапхана оқырмандары   қатысты. Кешті балалар кітапханасының меңгерушісі М.Жиенбаева жүргізіп, кітапхана директоры А.Тилеубергенова ашып берді.  Шара барысында көркем әдебиетке, оның ішінде балалар әдебиетіне үлесін қосқан қаламгер ұстаз Оразбай Сағындықұлы аудан кітапханашыларының сұрақтарына жауап беріп, қалам ұстап әдебиет әлеміне қадам басуы жайлы сыр шертті. Сондай-ақ шараға қатысушы «Заңғар» интелектуалды мектебінің 3 сынып оқушылары Оразбай ағамыздың адамгершілікке, еңбексүйгіштікке, ата-ананы сыйлап, құрбыларын қадірлей білуге, өзін-өзі және табиғатты танып қорғай білуге, айналаға зерделі оймен қарауға тәрбиелейтін өлеңдерін жатқа оқып берсе, балалар кітапханасының кітапханашысы З.Садыкова «Бала тілін тапқан ақын» кітап көрмесімен таныстырды. Таныстыру барысында Оразбай ағамыздың өмірбаяны мен шығармаларына, өлкемізде өмір кешетін фаунамыздың жай-күйіне тұңғыш рет талдау жасап, оларды сақтап қалуға үндейтін «Қызылорда облысы жан-жануарларының экологиялық ахуалы» атты кітабы мен балалардың жас ерекшеліктеріне сәйкес, түрлі-түсті суреттермен көмкерілген, тез түсініп, жеңіл қабылдауларына лайықталған шығармалары басылған «Балаларға базарлық» атты кітаптарына кеңірек тоқталып өтті. Кітапхана директоры А.Тилеубергенова Оразбай ағайға, қатысушыларға алғысын білдіріп, алдағы уақытта балалар жылына орай өтетін көптеген іс-шаралар жоспарына тоқталып, шараны қорытындылады.