«Нұр Наурыз — халық тойы!» танымдық сағат

17 наурыз күні Жаңақорған аудандық балалар кітапханасының қатысуымен, N51 М.Қаратаев атындағы қазақ орта мектебінде 6 сынып оқушылары мен сынып жетекшісі Әуелбекова Әдемінің ұйымдастыруымен «Нұр Наурыз — халық тойы!» атты танымдық сағат өткізілді. Мақсаты: Наурыз айының шығыс халықтарында жыл басы саналатындығын, Наурыздың 22 не күн мен түннің теңелетіндігін, балаларға Наурыз мерекесін қалай атап өтетіндігін таныстырып, ұлттық салт-дәстүрлерді құрметтеп, оларды мақтан етуге тәрбиелеу.

Шараны Наурыз мейрамымен құттықтап ашып берген сынып жетекшісі Ә.Әуелбекова сөз кезегін балаларға беріп, олар шашу шашып, «Наурыз» әнін орындады. Наурыз мейрамының қалай тойланатыны, наурыз көженің қалай жасалатыны  жайлы мәліметтерді айтты. Бесікке салу рәсімі көрсетіліп, «Қамажай» биін биші қыздар мың бұрала билеп берді. Қазақтың ұлттық ойындары арқан тартыс, қазақша күрестен ұлдар сайысқа түсті.  Кеш соңында «Наурыз-думан» әні орындалып, кеш қонақтарына арнайы жайылған дастарханнан дәм татып, ата-аналар дайындап әкелген наурыз көже тарқатылып, ақ тілектерін білдірді. Кітапханада  «Наурызым — дәстүрлі ізгілігім» атты кітап көрмесі жасалынып, кітапханаға келген көпшілік оқырмандарға таныстырылды.