«Алаштың ардақтысы» атты әңгіме сағат

2022 жылдың 19 сәуір күні №2 Кенттік кітапхананың ұйымдастыруымен мемлекет қайраткері саяси қуғын-сүргін құрбаны Нәзір Төреқұловтың туғанына биыл 130 жыл толуына орай,  №51 мектепте  «Алаштың ардақтысы»атты тақырыпта әңгіме сағат болып өтті.

Мақсаты: Атақты тұлғаның өмірбаяны мен атқарған қызметтерін оқушыларға жеткізу.

Нәзір Төреқұлов 1892 жылы Коқанда мақта саудасымен айналысатын дәулетті отбасында дүниеге келді. Жас кезінде алған тәлім-тәрбиесі, бойындағы аңғарымпаз ақылы мақсаткерлік, алға жетелеген күш-қайрат секілді табиғи дарын-қабілетімен ұштасқан оның жан-жақты білімі Төреқұловты өзгеше, жарқын істерге толы болашақ күтіп тұрғанын аңғартқандай еді. Қазақ, өзбек және орыс тілін бірдей жақсы білген ол классикалық орыс әдебиетінің үлгілерімен жас кезінен таныс болып, әкесі жаздырып алатын газет-журналдарды оқып өсті. Нәзірдің білім алуы, өзі жазғанындай, «жаңа үлгідегі дінге» ден қойған Қоқандағы «Жәдит» медресесінен басталды. Балалық шағында осылай медресенің араб әліпбиін үйренуі, оқи және жаза білуі, намазды, қасиетті «тахфиз әл-Құран әл-Кәрімнің бірқатар сүрелерін жатқа білу сияқты негізгі оқыту бағдарламасын игеруінің кейіннен Төреқұловқа исламның қасиетті мекені Сауд Арабиясында жас кеңес мемлекетінің өкілі болып қызмет еткенде көп көмегі тиді. Шара барысында кітапханашы  баяндама жасап, өміріне, шығармашылығымен еңбектеріне тоқталды.  Оқушылар көкейлерінде жүрген сұрақтарға жауап алды.