«Ұлпан» романынан оқырмандар конференциясы

Жаңақорған аудандық орталық кітапхансының оқырмандарға қызмет көрсету бөлімінің ұйымдастыруымен  17 наурыз күні №56 мектепте 9 сынып оқушыларының қатысуымен жазушы Ғабит Мүсіреповтың «Ұлпан» романынан оқырмандар конференциясы өтті.

Мақсаты: Жазушының «Ұлпан» романына  мазмұндық талдау жасай отырып, өз ойын еркін жеткізе білу, шығармашылыққа баулу, ойлау шеберлігін, сөйлеу мәдениетін дамыту. Оқушыларды адами қасиеттерге баулу, әйел адамды құрметтеу, тәрбиелеу.

Конференция барысында кітапханашы Ә.Сағатқызы Ғ.Мүсіреповтың өміржолы мен  шығармашылығымен таныстырып,  шығарма кейіпкерлерінің болмысы, жан сезімі, ішкі ой әлеміне тоқталып өтті. Оқырмандар конференциясы «Ұлпан» , «Есеней», «Артықбай » тобы болып 3 топқа бөлінді. Әр топқа шығармаға байланысты сұрақтар қойылып, талқыланып, оқушылар белсене араласып ойларын ортаға салды. Жеңімпаз  оқушы  ақын Б.Исаевтың «Сезім селі» атты кітабымен марапатталды. «Талғамы биік қаламгер» атты кітап көрмесімен кітапханашы Ә.Сағатқызы жазушының басқада шығармаларымен таныстырып өтті. Мектеп кітапханашысы Н.Тілеубергенова  шараға қатысқан оқушыларға алғысын білдіріп шараны қортындылады.