«Зұлмат күндердің зобалаңы» атты кітап көрме

 Жаңақорған аудандық орталық кітапханасының ұйымдастыруымен 31мамыр — Саяси қуғын-сүргін құрбандарын еске алу күніне орай «Зұлмат күндердің зобалаңы» атты кітап көрме ұйымдастырылды.

Мақсаты: саяси қуғын-сүргін құрбандары жөнінде оқырмандарға түсінік беру, олардың саяси санасын ояту, адамгершілік көзқарастарын қалыптастыру. Саяси қуғын-сүргінге ұшыраған ақын — жазушылардың ерлігін, үлгі өнеге ету.

Көрмеге кітапхананың қорындағы жаппай жазалаудың сол бір қиын-қыстау жылдарындағы зерттеулерде тағдырлары тәлкекке түскен саяси қуғын-сүргін құрбандары туралы «Азалы кітап», «Нәубет», «Қасіретті тағдыр беттері», «Дело №…Летопись горького времени», «Қызылдар қырғыны», «Түнекте тұншыққандар», А.Тасымбековтың «Жан дауысы», Т.Омарбековтың «20-30 жылдардағы Қазақстан қасіреті», «Зобалаң», М.Қозыбаевтың «Ақтаңдақтар ақиқаты», Н.Дулатбековтың «Алаш ардақтылары: Санкт-Петербург іздері», Т.Шонанұлының «Жер тағдыры- ел тағдыры», Х.Болғанбайдың «Иман күші», В.Михайловтың «Ғаламат жұт шежіресі» т.б. әдебиеттермен қатар баспасөз беттерінде жарияланған материалдар ұсынылған.