«Тыңда балам ертегі, ертегі сыр шертеді» атты ертегі-пати

10 маусым күні Жаңақорған аудандық балалар кітапханасының ұйымдастыруымен «Әжем айтқан ертегі» жобасы аясында «Тыңда балам ертегі, ертегі сыр шертеді» атты ертегі-пати болып өтті.

Мақсаты: бүлдіршіндерге ертегі туралы айту, оның түрлерімен таныстыру. Ертегілердің кейіпкерлеріне мінездеме бере білуге үйрету. Балалардың ойлау, есте сақтау, еркін сөйлеу қабілеттерін дамыту, ертегіні сүюге тәрбиелеу. Шараға №125С.Сапарбеков атындағы  мектептің 2-5 сынып оқушылары мен мектеп ұстаздары М. Тұрсынбаева, М.Мәдібекова, М.Исмайлова  қатысты. Шараны кітапханашы  З. Садықова  жүргізіп, ертегінің тарихы мен түрлеріне тоқталып, «Іскер аюлар отбасы», «Теңіз қарақшылары», «Орман жануарлары»  атты суретті, әуенді кітаптармен таныстырып өтті.  Сондай-ақ балаларды екі топқа бөліп, қызықты ойындар ойнатылды, ертегіші әже  Ш.Ақылбекова «Бір үзім нан»  ертегісін айтып берді. Кітапханашылар М.Бибасарова мен З.Садықова қуыршақтар қойылымын көрсетіп, балалардың көңілін көтерді.