«ҮЗДІК ОҚЫРМАН» номинация иегерлерімен кездесу кеші

Жаңақорған аудандық кітапханасының Оқырмандарға қызмет көрсету бөлімінің ұйымдастыруымен, кітапханамыздың тұрақты оқырмандары мен және аудандық жастар ресурстық орталығының жастарының қатысуымен кітапханада «ҮЗДІК ОҚЫРМАН» номинация иегерлерімен кездесу кеші болып өтті. Кешті кітапханашылардың аудан тұрғындарынан сұхбат алу бейнеролигімен бастап, кешті аудандық кітапхананың директоры Ә.Тилеубергенова ашып,  кітапхананың тұрақты оқырмандарымен таныстырып, көрермендер мен оқырмандар арасында қызу пікір-талас жүріп, сұрақтар қойылды.

Оқырмандарымыз Ф. Ускенбаев, К. Сейтов, Б.Бурибаева, Б.Үсейінова өз ойларын ортаға салып, жастарды кітап оқуға шақырды. Оқырмандар арасында Н.Сағындықова өз өнерін ортаға салды.  Сондай-ақ оқырмандарға бейне слайд арқылы қызықты сұрақтар қойылды.

Шара соңында Манап Көкенов атындағы мәдениет үйінің қызметкерлері Мұхтар Дәрібаев,  Әбсұлтан Байкенжеевтің орындауында көңіл көтеретін әндері айтылып, Үздік оқырмандарымызға, «Ең үздік» номинациясымен диплом мен сый-сияпат табысталды. Шара согңында термемен жалғап, кеш қонақтарына керемет көңіл-күй сыйлады.