«Ұлттың ұлы ұстазы» атты кітап көрмесі

Бірлік ауылдық кітапханасында 2022 жылдың 6 қазан күні Ахмет Байтұрсынұлының мол мұрасына арналып жасақталған «Ұлттың ұлы ұстазы» атты кітап көрмесі кітапхана оқырмандарының назарына ұсынылды.

Мақсаты: оқушылар бойына адамгершілік, ұлтжандылық, отансүйгіштік қасиеттерді дарыту, ақын, қоғам қайраткері, педагог — ұстаздың құнды мұраларын дәріптеп, жас ұрпақты ұлттық рухта тәрбиелеу.

Көрмеде басты назарда А.Байтұрсынұлының Алты томдық шығармалар жинағы (Алматы, 2013 ж.).Бұл алты томдық шығармалар жинағында ғылыми зерттеулері, бастауыш мектеп оқушыларына қазақ тарихы, әдебиет пен қазақ тілі, жағрапия, шаруа-кәсіп және жаратылыстану ғылым салалары, қазақ тілі грамматикасы мен түрлі тақырыптағы мақалалары, ауыз әдеби мұрасы, әр жылдары жазған көсемсөздері, сондай-ақ бұрын еленбей келген еңбектері мен ресми құжаттары, эпистолярлық мұрасы, ғұлама туралы замандастарының лебізі, Алаш арысының аяулы есімі ақталғаннан кейін жазылған танымдық және ғылыми зерттеу мақалалары топтастырылған. А.Байтұрсынұлы энциклопедиясына (Алматы, 2017 ж.) ғалымның өмірбаян деректері, қайраткерлік қызметі, ғылыми және әдеби, публицистикалық мұралары жөніндегі мақалалар енгізілді.

Көрмеге қазақ зиялылары – Алаш қозғалысы өкілдерінің тағдырын бейнелейтін кітаптар қойылды. Онда Алаштың дарынды өкілдерінің өз заманының озық көзқарастағы  білімді тұлғаларының сан қырлы өмірі туралы шынайы мәліметтер берілген.  Шара барысында «Ұлт ұстазы – Ахмет Байтұрсынов» атты слайд көрсетілді. Қоғам қайраткерінің өмірі, шығармашылығы жайында тың мәліметтер айтылып, өлеңдері оқылды. Оқушыларымыз Н.Дүйсенхан, Н. Б.Сырлыбай, Н. Ағалы, М.Тұрғанбайлар ақынның «Анама хат», «Қазақ салты», «Ғылым», «Тарту», «Ойлар»атты өлеңдерін мәнерлеп оқыды.