«Мен Отанның бақытты ұланымын!» танымдық сағат

2022 жылдың 22 қазан  күні Бірлік ауылдық кітапханасында 25 қазан Республика күніне орай «Мен Отанның бақытты ұланымын!” атты танымдық сағат өткізді.

Мақсаты: Тәуелсіз Қазақстанның дербес мемлекет ретінде қалыптасу тарихы жайлы ақпарат беру, жасөспірімдердің бойында елімізге, туған жерге, ұлтына деген патриоттық сезімдерін ояту, Отанға деген сүйіспеншіліктерін арттыру. Аталмыш шарада «Қыран елім — Қазақстаным» атты тақырыпта кітап көрмесі жасақталып, қатысушылар назарына ұсынылды. Көрмеге Тәуелсіздіктің дамуы мен мемлекет ретінде қалыптасуы мен дамуын, еліміздің жетістіктері мен толайым табыстарын баяндайтын кітаптар қойылды. С.Қожанов атындағы №55 жалпы орта мектебінің оқушылары отан, туған жер жайлы жазылған ақындарымыз  М.Мақатаевтың «Отан», К.Ахметованың «Рухты Ел», Ф.Оңғарсынованың «Туған жер», М.Айтхожинаның «Туған жердің бұлағы» атты өлең шумақтарын нақышына келтіріп, мәнерлеп жатқа оқыды.