«Мәңгілік рух, өшпес даңқ» ғылыми конференция

Адырбек Сопыбеков атындағы орталық кітапхананың оқырмандарға қызмет көрсету бөлімімен аудандық ішкі саясат бөлімімен бірлесе отырып  «Мәңгілік рух, өшпес даңқ» атты ғылыми конференция болып өтті. Кітапханамыздың оқырман залына желтоқсан, қаңтар оқиғаларына және тәуелсіздікке байланысты «Әділетті мемлекет. Біртұтас ұлт. Берекелі қоғам» атты кітап көрмесі жасақталып, мемлекет басшысы Қасым Жомарт Тоқаевтың Қазақстан халқы жолдауымен толықтырылды. Конференцияны аудан әкімінің орынбасары Б.Нуридинов ашып беріп, желтоқсаншы Саяуыш Төлегенов, Жарылқасын Бердіманов және Динаш Ахметова желтоқсан оқиғасын баяндап берді. Шара барысында еңбек ардагері С.Мұсабай ел болашағы жастардың қолында екендігін айта келе, мемлекет тарапынан жастарға жасалынып жатқан қамқорлықтарды сөз етті. Әлшекей атындағы өнер мектебінің оқушысы “Кероғлы” күйін орындап, кітапханамыздың кішкентай оқырмандары “Заңғар” интелектуалдық мектебінің оқушылары көпшілік қауымға желтоқсан оқиғасы туралы жыр шумақтарын нақышына келтіре орындады.

Желтоқсан оқиғасына қатысушыларға жылы лебіздер айтылып, сый-сияпат жасалды.

Мақсаты: Еліміздің тәуелсіздік алу жолындағы ата-бабаларымыздың ерлігін паш ету, жастардың желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету. Жастардың туған өлкемізге деген сүйіспеншілігін, сезімдерін ояту.