«Ұлтына ұлық-Төлен Әбдік» атты кітап көрмесі

Бесарық бекеті ауылдық кітапханасында ақпан айының 2-сі күні «Бір ел -бір кітап» республикалық акция аясында жыл кітабы болып ұсынылған қазақ жазушысы, драматург Төлен Әбдіктің шығармаларын насихаттауға арналған «Ұлтына ұлық-Төлен Әбдік» атты кітап көрмесі өткізілді. Мақсаты : Оқырмандарға ұлттық әдебиетіміздегі ең үздік деген туындыны оқу және насихаттау, Қазақстанның әдеби мұрасын зерттеуге деген қызығушылықты дамыту, қоғамның оқуға деген ықласын көтеру, сонымен қатар жас өспірімдердің зияткерлік-рухани дамуына ықпал жасау.

Шара барысында жазушының өмірбаяны, шығармаларының ерекшелігіне, кейіпкерлерінің образдарына, философиялық құндылығына шығармаларының жазылу тілі жайында айтылып, кеңірек талқыланды. Сондай-ақ кітапханамыздың тұрақты оқырмандары кітап көрмесімен танысып, өз ойларымен бөлісіп, «Бір ел – бір кітап» акциясын қолдай отыра қаламгердің шығармаларымен жақын танысты.