“Азаттық таңын аңсаған Алаш арыстары” атты кездесу кеші

8 ақпан күні А. Сопыбеков атындағы Жаңақорған аудандық кітапхананың оқырмандарға қызмет көрсету бөлімімен, №3 мектеп интернатымен бірлесе отырып “Азаттық таңын аңсаған Алаш арыстары” атты кездесу кешін ұйымдастырды.

Мақсаты:Жастарға Ауған соғысы жайлы толық мәлімет беру, ардагер ағалармен ашық әңгімелесу, сұхбаттасу. Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету.

Кеште Ауған соғысының ардагерлері Е.Әуелов, Қ.Абилакимовтер бастан кешкен оқиғалары мен жауынгерлік жылдарынан естелік айтты. Кеш қонақтарына оқырмандар көкейлеріндегі сұрақтарын қойып, жауаптарын алып ризашылықтарын білдірді.

Шарада арнайы деректі фильм көрсетіліп, Ауған соғысындағы Кеңес әскерлерінің ерен еңбегі мен батырлығы туралы ақпарат нақтыланды. Мектептің жас мамандары Әбдірейм Нұрболат пен Бексаба Ұланбек сынды жас ұстаздар арнауларын оқып, оқушылар әсем әнмен кездесу кештің шырайын ашты. Кеш керемет өтті. Жас өскелең оқырмандардың  жүректеріне патриоттық рух, тәрбие, тәлім ұялатқан кеш қонақтарына, ұйымдастырушылар атынан құрмет көрсетілді.