«Қазақтың Манабы — айтыстың ақберені» атты еске алу кеші

Жаңақорған ауданы, Құттықожа ауылдық кітапханасының ұйымдастыруымен халық ақыны Манап Көкеновтің 95 жылдығына орай «Қазақтың Манабы — айтыстың ақберені» атты еске алу кеші өткізілді. Кешке ауылдың ақсақалдары, мектеп мұғалімдері, оқушылар  және кітапхананың тұрақты оқырмандары қатыстырылды.

Мақсаты: Ақиық ақын, артына айрықша өшпейтін із қалдырған Манап Көкеновтің өмірі мен шығармашылығына шолу жасау, ақындық қасиетін өскелең ұрпаққа таныту. Өлеңдерін, айтыстарын сүйсініп, қызығып оқуға тәрбиелеу.

Шара барысында келген қонақтар ақынның өмір жолдарын, айтысқа түскен кездерін, жақсы істерін ортаға салып өз-ойларын ортаға салды.

Сондай-ақ кітапханашы «Марқасқа ақын» атты кітап көрмесімен таныстырып, оқушылар ақынның «Жер – ана», «Ана тілім – ардағым», «Бақыттымын», «Қазақстан» т.б. өлеңдерін оқыды.