«Ауғанның отты жалыны» тақырыбында ауған соғысы ардагерлерімен кездесу кеші

Түгіскен ауылдық кітапханасында ауыл әкімдігінің қолдауымен клуб, кітапхана мекемелерін ұйымдастыруымен «Парасат жолы» жобасы аясында 2023 жылдың 15 ақпан күні Кеңес әскерінің Ауған жерінен шығарылғанына 34 жыл толуына орай «Ауғанның отты жалыны» тақырыбында ауған соғысы ардагерлерімен кездесу кеші өтті.

Мақсаты:  Ауған соғысы ардагерлеріне құрмет көрсете отырып, олардың ерлік жолдарын өскелең ұрпаққа насихаттау. Оларды отансүйгіштікке, елжандылыққа, намысты жігерлі болуға тәрбиелеу.

Кеш барысында  кітапханашы А.Көшербаев «Отты жылдар елесің – кітаптан оқып білесің» тақырыбындағы кітап көрмесімен таныстырып, оқушылар    «Менің Қазақстаным» әнұранымен басталды. Шарада ауыл әкімі С.Туғанбаев құттықтау сөзімен ашып,  Ауған соғысының ардагерлері Мұстияров Тұтқабай мен Сайфназаров Аюпхан ағаларға алғыс хат пен сыйлықтар табыс етті.                                                                                                                                                      № 209 орта мектеп оқушылары «Алға Қазақстан», «Ауылым», «Туған жер»  әндерін орындап, «Өмірді қайта жалғаңдар», «Ұрпаққа аманат», «Жауынгер ағалар», «Ағаларға арнау» өлеңдерін жатқа оқыды. Оқушылар ардагер ағаларға деген өздерінің түрлі сұрақтарына жауап алды. Клуб үйінің қызметкері Ләззат Қожабаева «Алғыс» әнін тебіренте орындады.