«Алыптың аты өшпейді» ғылыми танымдық конференция

«Өлке тұлғалары» жобасы аясында ҚР Мемлекеттік сыйлықтарының иегері, «Халық Қаһарманы», «Әлем азаматы», ҚР Ұлттық Ғылым Академиясының акедемигі Мұхтар Әлиевтің 90 жылдығына А.Сопыбеков атындағы Жаңақорған аудандық кітапханасының ұйымдастыруымен «Алыптың аты өшпейді» атты ғылыми танымдық конференциясы өтті.

Шараны Мәдениет және спорт бөлімінің басшысы Әбілқайыр Әбілпаттаұлы ашып, ауданның құрметті азаматы З.Шермағамбетов, Кеңес ауылының зейнеткер дәрігері А.Акимов ағаларымыз жүрек жарды лебіздерін бейнеүндеу арқылы жолдады. Кештің қонағы Ішкі істер органының зейнеткері, ел ағасы Е.Мұсаев, ағамыз жайлы жарқын естеліктерімен бөлісті. №125 С.Сапарбеков атындағы орта мектептің оқушылары Мұхтар Әлиевке арналған арнауларын оқып, «Жаңақорған тынысы» газетінің бас редакторы Б.Үсейінова кешті қорытындылады. Кітапханашы А.Шарап «Ұлттық хирургияның алыбы» атты кітап көрмесін жиналған қауымға таныстырып өтті.

Мақсаты: Ұлы қазақстандық хирург М.Әлиевтің өмірімен және қызметімен таныстыру, оқырманға белгілі қайраткерді насихаттау.