«Ескерткіштер — адамзат әлемінің айнасы» тарихи кеш

18 сәуір — Халықаралық ескерткіштер мен тарихи орындарды қорғау күніне аудандық орталық кітапхана мен аудандық Мәдениет және спорт бөлімінің ұйымдастыруымен, «Ескерткіштер — адамзат әлемінің айнасы» атты тарихи кеш ұйымдастырылды. Шараға кенттік ардагерлер Кеңесінің төрағасы С.Ыдырысов, өңіріміздің тарихына қатысты ақпараттарды зерттеуге атсалысып жүрген өлкетанушы, мәдениет саласының ардагерлері Н.Шалапов, Р.Әбсаттарова мен «Жаңақорған тынысы» газетінің бас редакторы Б.Үсейінова, зейнеткер Ә.Дәрібаевалар қатысты.

Шараны мәдениет және спорт бөлімінің басшысы Әбілқайыр Әбілпаттаұлы Сыздықов ашып, шараның мақсаты мен маңыздылығына тоқталып, тарихи өлкеміздің рухани және мәдени мұраларын көздің қарашығындай сақтауға шақырды. Тарихи—мәдени мұраларды сақтау жөіндегі маман М.Шынбаева аудан көлеміндегі ескерткіштер жайлы шолу жасап, ескерткіштер туралы тақырыптық бейнероликті қатысушылар назарына ұсынса, кітапханашы А.Шарапова  «Ескерткіштер— ұлт құндылығы» атты кітап көрмесімен таныстырып, ауданымыздағы киелі жерлермен, ескерткіштерге тоқталып өтті.