«Туған жер тарихын білесің бе» атты интеллектуалды ойын

12 сәуір күні  Жаңақорған аудандық балалар кітапханасының ұйымдастыруымен Жаңақорған ауданының құрылғанына 95 жыл толуына орай    «Туған жер тарихын білесің бе» атты интеллектуалды ойын №125 С.Сапарбеков атындағы мектептің 5 сынып оқушылардың қатысуымен өткізілді. Мақсаты: Сұрақтарға жауап алу арқылы оқушылардың ой — өрісін кеңейту, туған жерінің құндылықтарымен таныстыру, туған жеріне деген сүйіспеншіліктерін арттыру, өз елінен шыққан мақтаныштарының үлгі-өнегелерін  құрметтей білуге тәрбиелеу.

Шараны  жүргізген  кітапхана менгерушісі М.Жиенбаева оқушыларды  «Талап» және  «Дарын» атты екі топқа бөліп, интеллектуалды ойынның 3  кезеңдерімен  таныстырды. Оқушылар «Сен ауылың туралы білесің бе?»,  «Ескерткіштер-елдіктің белгісі», «Тұғыры биік тұлғалар» атты кезеңдерінен өтіп, жерлес ақын-жазушылар, қоғам қайраткерлер туралы сұрақтарға жауап берілді. Шара соңында кітапханашы «Өткені өшпес мұра, келешегі кемел-Жаңақорған» атты кітап көрмесімен таныстырып, белсене қатысқан «Дарын» тобы жеңімпаз атанып  алғыс хаттармен марапатталды.