«Бейбітшілік әлем тілегі » атты кітап көрмесі

А. Сопыбеков атындағы аудандық кітапхананың, оқырмандарға қызмет көрсету бөлімі мен №169 Н.Илялетдинов атындағы мектептің кітапханашысы А.Оспанованың ұйымдастыруымен, 10 сыныптың өзге ұлттардың қатысуымен Қазақстан Халықтарының бірлігі күніне орай «Бірлік пен бейбітшіліктің құт мекені» атты әдеби кеш өткізіліп, «Бейбітшілік әлем тілегі » атты кітап көрмесі жасақталды.

Әдеби кешті Әнұранмен ашып, оқушылар ынтымақ күніне арналған өлең шумақтарын көрермен қауымға паш етті.

Өзге ұлт өкілдері үш тілде құттықтау тілектерін білдіріп, барша қауымды мерекемен құттықтады. Түрік биін билеген оқырмандар көпшіліктің көңілінен шығып, ыстық ықыласына бөленді.

Қазақстан Халқы Ассамблеясының Жаңақорған аудандық аналар кеңесінің төрайымы Қ. Дәрмен, тәрбие ісі жөніндегі орынбасары М. Шеров, кітапханашы М. Кадирбергенова мерекемен құттықтап, жүрек жарды тілектерін білдірді.

Шара соңында оқырмандар кітап көрмесімен танысып, бір-бірімен пікір алысты.

Мақсаты: Жастардың бірлік, ынтымақтастық туралы түсініктерін кеңейтіп, көп ұлтты халқымыздың тыныштығы мен бірлігін нығайтуға ат салысатын азамат болуға тәрбиелеу.