«Бейбіт өмір сыйлаған- Ұлы жеңіс» тақырыбында кітап көрмесі

Бесарық бекеті ауылдық кітапханасының ұйымдастыруымен мамыр айының 5-і күні «Парасат жолы» жобасы аясында 9-мамыр Жеңіс күніне орай «Бейбіт өмір сыйлаған- Ұлы жеңіс» тақырыбында кітап көрмесі өткізілді.

Шара барысында кітапханашы оқырмандарға 9-мамыр Жеңіс күні жайында жан-жақты мәліметтер берді. Кітап көрмесіне сұрапыл соғыстан елімізді аман сақтап, болашақ ұрпаққа аманат етіп қалдырған қазақ батырларының ерліктерінен сыр шертетін кітапхана қорындағы тарихи, көркем әдеби әдебиеттерге  Көлбаев Т. «Өшпес даңқ»,Ж.Аупбаев «Рухы күштілер», Т.Көлбаев «Бәрі де майдан үшін, бәрі де Жеңіс үшін»,  Жәлел Қизатов  «Өмір мен өлім» ,  «Қаһарман Бауыржан Момышұлы» , Б.Ұзақбаев «Ерлікті сүйген ер нұрлы», «Қазақстан Ұлы Отан соғысы жылдарында» , «Жеңіс. Победа»,  т.б. кітаптарға шолу жасалды. Сонымен қатар, қатысушыларға Кеңес Одағының Батыры атағын екі рет алған ұшқыш жауынгер Талғат Бигелдиновтың соғыс жылдарындағы ерлік істері туралы әңгімелей отырып, соғыстан кейінгі жылдардағы қоғамдық қызметі жайында және «Қанатты қыз» атанып кеткен ұшқыш қыз Хиуаз Доспанованың Отан қорғаудағы ерліктерінен кеңінен ақпараттар берілді.