«Ерлігі үлгі ұрпаққа» тақырыбында облыстық жазба ақындар мүшайрасы

Түгіскен ауылдық кітапхана мен клуб үйінің ұйымдастыруымен 3 мамыр күні Кеңес Одағының Батыры Әнуар Әбутәліповтың 100 жылдығына орай «Ерлігі үлгі ұрпаққа» тақырыбында облыстық жазба ақындар мүшайрасы өткізілді.

Мақсаты: Ұлы Отан соғысындағы бабалар ерлігін, Әнуар атаның ерлікке толы ғұмырын жас ұрпаққа насихаттау. Жастарды елжандылыққа, отансүйгіштікке тәрбилеу. Талантты жастарды қолдау.

Шара барысында кітапханашы А.Көшербаев көпшілікке «Елікпен өрілген ғұмыр» атты кітап көрмесімен таныстырды. Шараны аудандық мәдениет және спорт бөлімінің басшысы Әбілқайыр Сыздықов ашып, ауыл әкімі Серік Туғанбаев батырдың өмір жолы мен ерлігі жайлы баяндама оқыды. Батырдың ұлы Мұхтар Әбутәліпов мәдени шараны ұйымдастырушыларға өз әулеттерінің атынан алғысын айтты.                                                                                                                                 Жыр мүшайрасына Қызылорда қаласы мен аудандардаң барлығы жеті ақын қатысып, бақ сынасты. Жыр мүшайрасына М.Көкенов атындағы шығармашылық өнер мектебінің жетекшісі У.Ибрагимов, журналист «Жаңақорған тынысы» газетінің бас редакторы Б.Үсейінова мен ақын Бесарық өнер мектебінің ұстазы Е.Мұстафаевтар әділ бағасын беріп екі кезеңнен тұратын мүшайра талаптарына сай қатысушылар алғашқы турда батырға арнау оқыса, екінші кезкең тапсырмасына сай еркін тақырыпта жырлап, әділ қазылардың шешімімен бас жүлдені Шиелі ауданынан Е. Бекжан,  1 орынды Қармақшы ауданынан жас ақын Г.Есмаханова, 2 орынды Қызылорда қаласынан ақын Б.Айтбаев, 3 орынды жерлесіміз Еркін Мәді мен Жалағаштық Нұрхан Қарабалаев иеленді. Жеңімпаздар мен жүлдегерлерге мәдениет үйінің және батыр ұрпақтарының демеушілігімен арнайы дипломдар мен бағалы сыйлықтар табысталды.