“Кітап сарқылмас рухани әлем” атты сыр сандық

Жайылма ауылдық кітапханасының ұйымдастыруымен “Кітап сарқылмас рухани әлем” атты сыр сандық өткізілді.

Мақсаты: Оқушыларды кітапқа деген сүйіспеншілігін арттыру, ақыл — ойын, тілін дамыту. Кітапты сүюге, үлгі-өнеге алуға,кітапты құрметтеуге баулу. Білімнің кітап арқылы берілетінін ұғындыру, кітаптың адам өміріндегі маңызын, ғылым мен білімнің пайдасы жөнінде түсіндіру. Оқушылардың кітапқа деген қызығушылығын арттыру. Оны күтіп ұстауға тәрбиелеу. Шараны кітапханашы жүргізіп, балалар кітабы күнімен құттықтап, кітаптың шығу тарихымен таныстырды. Балалар кітаптың пайдасы жайлы әңгімелеп, кітап туралы  өлеңдер оқыды. «Кітап – рухани байлық бастауы» атты кітап көрмесімен танысып, «Кітаптар мұңы» атты көрініс көрсетті. Кітап туралы нақыл сөздер, мақалдарын айтты. «Суретті сөйлет» атты ойын ойнап, бір  оқушы ортаға шығып. суретте көрсетілген ертегі кейіпкерлерін мимика арқылы көрсетіп, қалған оқушылар оның қай ертегі кейіпкері екенін  тауып, викториналық сұрақтарғы жауаптар алынды.