«Атадан туған әруақты ер — Махамбет» атты тақырыптық кеш

2023 жылдың 26 сәуір күні Манап ауылдық кітапханасының ұйымдастыруымен қазақ халқының азаттығы, теңдігі жолында ақ найзасымен, асқақ жырымен күрескен, сол жолда құрбан болған батыр, әрі азаткер ақын Махамбет Өтемісұлының шығармашылығына арналған «Атадан туған әруақты ер — Махамбет» атты тақырыптық кеш өтті. Кітапхана оқырмандары қатысқан бұл шарада Махамбет Өтемісұлының жалынды жырлары «Ереуіл атқа ер салмай», «Жабығу», «Мұнар күн», «Нарында» атты өлеңдері оқылып, ақынның рухына арналған Олжас Сүлейменов, Мұхтар Шаханов сияқты қазақтың біртуар ақындарының арнау өлеңдері оқылды. Жастар күрескер ақынның шығармашылығымен танысып қана қоймай, отансүйгіштік пен патриотизмге толы болған кештен ләззат алды. Кеш соңында кітапханашы Махамбет Өтемісұлының ХІХ ғ. қазақ поэзиясына қосқан үлесі туралы әңгімелеп берді. Сондай ақ кешті өткізуге атсалысқан белсенді оқушыларға алғысын білдіріп, осындай кештерге келем деушілерге әрқашан да есік ашық екенін хабарлады. Шараға 22 адам қатысты.

Мақсаты: Ақынның өмірі мен шығаршылығын насихаттау. ұлтжандылыққа, батылдыққа, бірлікке, туған жерін, елін, сүюге, қорғауға тәрбиелеу.