«Саз әлемінің саңлағы»  атты кітап көрмесі

Бесарық бекеті ауылдық кітапханасының ұйымдастыруымен мамыр айының 10-ы күні дирижер, дәулескер домбырашы, Қазақ КСР халық әртісі, КСРО халық әртісі , халық қаһарманы Нұрғиса Атабайұлы Тілендиевтің туғанына 98 жыл толуына орай «Саз әлемінің саңлағы»  атты кітап көрмесі өткізілді.

Мақсаты: Қазақ музыкасының сайыпқыраны Нұрғиса Тілендиевтің өмірінен мағлұмат бере отырып, өнерін насихаттау. Өнерді сүйе білуге тәрбиелей отырып, рухани – адамгершілік құндылықтарды әсемдік арқылы, көркем мәдениет арқылы қалыптастыру.Музыкаға деген сүйіспеншіліктерін арттыра отырып, өнерге, күй өнеріне қызығушылықтарын дамыту.

Кітап көрмесінде Нұрғиса Тілендиевтің өмірі мен шығармашылығы жайында және  музыкалық мәдениетіне композитор, дирижер, орындаушы ретінде өшпес із қалдырған суреткер екендігі туралы айтылды. Кітап көрмесіне сазгердің ноталық кітаптары, естелік жырлары және Нұрғиса Тілендиевтің қазақ өнері жайында айтқан пікірлері, суреттері топтастырылды.Кітапханашы кітап көрмесіне шолу жасады.