Коворкинг орталығының ашылу салтанаты өткізілді

 30 мамыр күні Кейден ауылдық кітапханасында Коворкинг орталығының ашылу салтанаты өткізіліп, онда аудандық кітапхананың директоры А.Тилеубергенова орталықтың жұмысымен таныстырып кетті.

Сондай-ақ осы коворкинг орталығында  «Ауылым алтын бесігім» жобасы аясында ұстаздық жолда ұзақ еңбек етіп, өздерінің саналы ғұмырында сапалы шәкірт тәрбиелеумен айналысқан ұстаздар Ергешбай Кенжебайұлының 95 жылдығына және Тынысбек Зұлпықарұлының 80 жылдығына орай «Ұстаз — аты биік, әрі мәңгілік» атты еске алу кеші болып өтті.

Шара барысында ауыл әкімі С.Кенжебаев, Журналистер Одағының мүшесі, тарихшы, зейнеткер Ш.Әшімұлы, аудандық әйелдер кеңесінің төрайымы Ә.Қыстаубаева, ауыл тұрғындары және қызметтегі әріптестері сөз алып,  естеліктерімен бөлісіп, арнаулар оқылып, әндер орындалды.

Мақсаты: Жастарды тұлға ретінде қалыптастыру, бос уақыттарын тиімді пайдалануды ұйымдастыру, кітапқа деген қызығушылығын арттыру.