«Жантөрин феномені» атты өнер сағаты

2023 жылдың 23 мамыр күні  Бірлік ауылдық кітапханасы  актер, режиссер, Қазақ КСРнің Халық әртісі, Н.Жантөриннің туғанына 95 жыл толуына орай «Жантөрин феномені» атты өнер сағаты өткізілді.

Мақсаты: Өнер адамдарын сүюге, құрметтеуге, мақтаныш етуге тәрбиелеу,  Жантөриннің өмірбаяны мен еңбек жолы, шығармашылығымен таныстыру.

 Іс-шараға С.Қожанов атындағы N55 орта мектебінің 8-9 сынып оқушылары, «Бірлік»- халық театрының режиссері Н.Қыпшақбаева қатысты. Өнер сағатында актер Нұрмұхан Жантөриннің өнердегі шығармашылығына шолу жасалып, оның ізденімпаздығы, кәсіби шеберлігі жастарға үлгі ретінде айтылды. Қатысушылар назарына «Аңыз адам» атты презентация ұсынылып, «Сұлтан Бейбарыс, фильмінен үзінді көрсетілді. Интеллектуалдық сұранысты өтейтін мәдениет, әдебиет жанашырлары іздеп оқитын Мағира Қожахметованың «Менің шашылған энциклопедиям» атты жинағы таныстырылып, шолу жасалды. Мұнда әйгілі актер туралы естелік — Жантөриннің ұлы сәттері жазылған. Қазақ аңызына айналған тұлғаның өнердегі құдіреттілігіне оқырмандар зор ықыласпен қарап, өмірі мен өнері туралы мол мағлұматтар алды.