«Оқы және өзгеге ұсын! » атты кітап сыйла акциясы

28 маусым күні Аудандық Жастар Ресурстық орталығының ұйымдастыруымен өткізілген «TULGA BOL» жастарды әлеуметтендіруге бағытталған жылжымалы жәрмеңке мүмкіндіктер керуені аясында ұйымдастырылған іс-шаралардың ішінде «Кітап сыйла» акциясы аясында А.Сопыбеков атындағы аудандық кітапхананың ұйымдастыруымен тұрғындар арасында кітап оқуды насихаттау, оқуға деген қызығушылығын арттыру, рухани мәдениетін көтеру мақсатында «Оқы және өзгеге ұсын! » атты кітап сыйла акциясы ұйымдастырылды.

Шара барысында саябақтағы аудан тұрғындары өздерінің оқыған қызықты кітаптарын сөреге қойып, орнына сол сөреден өздері оқымаған кітаптарын алып, өзге кітап сүюшілермен кітап алмасты.

Бұл акцияға оқушылар мен ата-аналар атсалысып, оқырмандарға арналған әдеби кітаптар әкелді. «TULGA BOL» жастарды әлеуметтендіруге бағытталған жылжымалы жәрмеңке мүмкіндіктер керуені аясындағы бұл бағалы бастама басқа да жанашыр жандардың тарапынан кеңінен қолдауға ие болуда.