«Жасай бер, жайна — Астанам» атты әдеби керуен

Астана қаласының 25 жылдығына орай 5 шілде күні «Prime park»  демалыс саябағында   «Жасай бер, жайна — Астанам» атты әдеби керуен өткізілді.

Мақсаты: Астана қаласы туралы насихаттау, оқушылардың ой — өрісін, шығармашылық қабілеттерін дамытуға, тіл байлықтарын дамыту. Қазақстан Республикасының орталығы Астана қаласын мақтан тұта білуге тәрбиелеу және Отанға деген сүйіспеншілігін арттыру, елжанды азамат болуға тәрбиелеу.

Шара барысында кітаптардан «Бәйтерек» және «Астана» инсталяциялық көрмесі жасалып, «Жасай бер, жайна — Астанам» атты поэтикалық марафон өткізілді. Балалар Астана — бас қала туралы өлеңдерді мәнерлеп  оқып, күннен күнге өркендеп, дамып келе жатқан бас қаламыз жайлы паш етті. Сондай-ақ №1,2 кенттік кітапханалардың ұйымдастыруымен «Еліңнің Астанасы туралы білесің бе?», «Даналық көпірі» атты логикалық,  викториналық ойындар ұйымдастырды. Көрермендер «Ұлтымыздың рухани ордасы – Астана» атты кітап инсталяцияларымен танысты.