«Әнші – сазгер Аманбай» атты әңгіме сағаты

Туған жердің туын көтеріп, атажұртта отауын тігіп, тағылымға толы тіршілігімен елдің құрметіне бөленген тума талант иесі Аманбай Өтебаевтың туғанына 75 жыл толуына орай Қандөз ауылдық кітапханасының ұйымдастыруымен  «Әнші – сазгер Аманбай» атты әңгіме сағаты өтті.

Мақсаты: қасиетті Сыр топырағынан нәр алып, рухани құндылықтарды бойына сіңірген, саналы ғұмырын туған жердің өнері мен мәдениетіне арнаған айтулы өнер иесі қашан да халықтың мақтан тұтар тұлғасына айналған. Оның өнерін дәріптеу, өмірі мен шығармашылығын насихаттау.

№240 Ғ.Мұратбаев атындағы орта мектептің орыс тілі пәнінің мұғалімі Динара Қожахметова сазгердің қарым-қабілеті жайында сазгердің ел біле бермейтін сырын айтып, ерекше қырларын ашқан ауыл тұрғыны Роза Исабекова әңгіме өрбітті. Рухани-мәдени шараның соңында сазгердің шәкірті Тамара Дүйсенбиева «Ағаға арнау» өлеңін оқып, кешті қортындылады.