Нұрмахан Елтайдың 70 жас мерей тойына арналған облыстық сықақшылар байқауы
15.08.2023
М. Көкенов атындағы аудандық мәдениет үйінде сатираның сайыпқыраны, Қазақстан Жазушылар және Журналистер одағының мүшесі, Шиелі ауданының құрметті азаматы, журналист-жазушы Нұрмахан Елтайдың 70 жас мерей тойына арналған облыстық сықақшылар байқауы болып өтті.
Байқауда «Сұңқарлар бейікте самғайды» атты жаңа кітабының лентасы қиылып, мәдениет үйінің фойесінде А.Сопыбеков атындағы аудандық орталық кітапхананың «Қазақ журналистикасының қайраткері» атты кітап көрмесі жасақталып, кеңінен таныстырылды. Көрмеде Н.Елтайдың өмірбаяны енген кітаптары, өзінің шығармалары, мақалалары және марапаттары қойылды.
Мақсаты: Көпшілік қауымды Н.Елтайдың өмір жолымен таныстырып, шығармаларын насихаттау.
