«Кемеңгерліктің биік шыңы – Абай» атты әдеби кеш

9 тамыз күні Абай күніне орай аудандық балалар кітапханасында «Кемеңгерліктің биік шыңы – Абай» атты әдеби кеш өткізілді.

Мақсаты: Оқырманға ақынның өнегелі өмірімен таныстыру, шығармаларына шолу жасау, өлеңдерін, әндерін мәнерлеп айтқызу. Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға  құмарлығын арттыру. Жас ұрпақты Абай шығармашылығын танып өсуге тәрбиелеу, адамгершілікке, табиғат әсемдігін түсінуге тәрбиелеу.

Шараға кітапхананың тұрақты оқырмандары мен «Бала А» өнер мектебінің мұғалімі Қ:Ерланқызы  қатысты. Балаларға кітапханашы Ж.Тулешова ақынның өмірбаянымен, шығармашылығы бейнеленген «Ұлы халықтың ұлы Абайы» атты слайдпен таныстырып, оқушылар  Абайдың өлеңдерін мәнерлеп оқып, «Желсіз түнде жарық ай», «Көзімнің қарасы» әндерін караокемен қосылып шырқады. Сондай-ақ «Абайдың даналық сөздері» атты бейнеролик көрсетіліп, «Абай дана, Абай дара қазақта» атты кітап көрмесімен таныстырды.