«Оралхан Бөкей шығармаларындағы адам мен табиғат біртұтастығы» атты оқырмандар конференциясы

2023 жылдың 15 қыркүйек  күні Бірлік ауылдық кітапханасы «Көшпелі сынып сағаты» жобасы аясында С Қожанов атындағы N55 мектептің 7 сынып жетекшісі Гауһар Абсаттаровамен  бірлесіп «Алтайдың мұзбалағы» атанған қарымды қаламгер Оралхан Бөкейдің 80 жылдығына орай «Оралхан Бөкей шығармаларындағы адам мен табиғат біртұтастығы» атты оқырмандар конференциясын өткізді.

Іс — шараға 7,9,10 сынып оқушылары қатысты.

Мақсаты: Оралхан Бөкейдің өмірі мен шығармашылығымен таныстыру. Әңгімедегі кейіпкерлердің іс-әрекетін талдау барысында өмір шындығын таныту, оқушының ойын ашық жеткізе білуге, таным белсенділіктерін арттыру, талдау жасау кезінде білімін, ой — өрісін дамытуға ықпал ету, өз бетімен іздену алғырлық, тапқырлыққа, өз пікірін қорғай, дәлелдей білуге баулу.

Оралхан Бөкейдің қай шығармалары болсын көтерген, қалам сілтеген негізгі тақырыбы – адам тағдыры, табиғат, олардың тұтастығы, бірлігі. Адамды ардақтау, оның ұлылығын жырлау. Шара барысында «Тортай мінер ақ боз ат…» атты әңгімесінің желісі бойынша дайындаған сұрақтар қойылып, шығармаға талдау жасалды. Оралхан Бөкейдің өмір жолы мен шығармашылығына арналған «Оралхан әлемі» — атты презентация қатысушылардың назарына ұсынылды. «Қайдасың, қасқа құлыным», «Жылымық» «Қар қызы» шығармаларынан монологтар оқылды.