«Қайдасың қасқа құлыным» повесінен оқырмандар конференциясы

27 қыркүйек күні жазушы Оралхан Бөкейдің 80 жыл толуына орай №3 мектеп-интернаттың 9 сынып оқушылары мен қазақ тілі әдебиетінің ұстазы С.Әбілқайырдың қатысуымен  «Қайдасың қасқа құлыным» повесінен оқырмандар конференциясы өткізілді.

Мақсаты: Жазушы Оралхан Бөкеейдің өмірбаяны мен шығармаларын оқырмандарға таныстыру,  кеңінен насихаттау және  оқырмандарды кітапханаға тарту, кітап оқуға  қызығушылығын арттыру. Шараны кітапханашы Ж.Тулешова жүргізіп, жазушының өмір жолы мен шығармашылығымен таныстырды.

«Қайдасың, қасқа құлыным» атты повесті оқып, ондағы жағымды, жағымсыз кейіпкерлер туралы өз ойларын білдірген оқушылар ондағы образдарға талдау жасады. Олардың туындыға деген өз ойын, пікірін айтқызу, шығармашылық қабілетін дамытуға бағытталған кеш әсерлі де мағыналы әңгімелерге толы болды. Шараны қорытындылаған ұстаз С.Әбілқайыр балаларға алдағы уақытта тағы да басқа авторлардың кітаптарын оқып талдауға ұсыныс тастады, балалар қуана келісті.