«Даңқты қолбасшы — Сағадат сардар» атты дөңгелек үстел

А.Сопыбеков атындағы аудандық кітапханасының, оқырмандарға Қызмет көрсету бөлімінің ұйымдастыруымен және Н.Илялетдинов атындағы №169 орта мектептің 10 «В» сынып оқушыларының қатысуымен Халық қаһарманы Сағадат Нұрмағамбетовтың туғанына 100 толуына орай «Даңқты қолбасшы — Сағадат сардар» атты дөңгелек үстел өтті.

Мақсаты: Ер ел үшін туады, ел үшін өледі демекші — халықтың қаһарманы Сағадат Нұрмағамбетов сөзіне ісі сай өжет елін, жерін қорғауда аянбаған. Біздің мақсатымыз батырдың ерлігін, кейінгі ұрпаққа насихаттап, ер есімін ұлықтау.

Дөңгелек үстел барысында кітапханашы А.Шарап Сағадат ағамыздың өмір деректеріне тоқталып, ағамыз туралы бейне естеліктер оқушылар назарына ұсынылды.

10 «В» сынып оқушылары А.Оразалы, Н.Сабырқызы,  К.Салықовтар арнауын мәнерлеп оқып, Сағадат Нұрмағамбетовтың өмір жолына, қызметіне тоқталып ойларымен бөлісті.

Сағадат Қожахметұлы өзін тұтастай Отанға қызмет етуге арналған жан. Біздің міндетіміз – батырға лайық құрмет көрсету. Ұрпақ санасында отансүйгіштікті арттыру мақсатында осындай шараларды жиі өткізу керек деп санаймын. Батырларымызды естен шығармауымыз керек. Өскелең ұрпақ ата-бабаларын білуі тиіс, — деп тарих пәнінің мұғалімі Жарқынай Дүйсебай кешті қортындылады.