«Екпінді ауылының энциклопедиясы» атты кітаптың тұсау кесер салтанаты

Жаңақорған аудандық кітапханасы, оқырмандарға қызмет көрсету бөлімінің ұйымдастыруымен «Өлке тұлғалары» жобасы аясында «Екпінді ауылының энциклопедиясы» атты кітаптың тұсау кесер салтанаты болып өтті.

Шараға Журналистер және жазушылар одағының мүшесі, «Шолохов» медалінің иегері, ардагерлер қоғамдық ұйымдарының  «Отан патриоты», «Ерекше еңбегі үшін», «Құрметті ардагер» Әбілхан Әбіласанұлы, «Жаңақорған тынысы» газетінің бас редакторы Баян Үсейнова, еңбек ардагері, зейнеткер Азия Қыстаубаева, ақын, Халықаралық Жазушылар және Қазақстан Жазушылар одағының мүшесі, «Шолохов» медалінің иегері, «Жаңақорған ауданының Құрметті азаматы» Файзулла Сахиев, Ж.Бегманова атындағы «Ақ әжелер» ансамбілі және ауылдық кітапханашылар, Әуезхан Әбіласанов, Батырхан Мерекеев, Темірхан Мерекеев, Ақылбек Жәнібековтер тұсау кесер салтанатының куәсі болды. Шара барысында Абілхан Әбіласанұлы «Екпінді» ауылының энциклопедиясы атты кітабы «Екпінді» ауылының тарихы мен оның алғашқы тұрғындары–аға буын аталарымыз бен әжелелріміздің, орта буын көкелеріміз бен апаларымыздың, кейінгі буын замандастарымыздың  қысқаша өмір деректері қамтылғандығы жайлы айтып өтті.

Кешке қатысушы қонақтар жүрекжарды лебіздерін білдірді.

«Қара сөзден інжу терген» атты кітап көрмесімен кітапханашы А.Шарап таныстырып библиографиялық шолу жасады. Сондай-ақ оқырмандарға «Ауылдың әңгімелері», «Сығанақ», «Сығанақтан шыққан сәулетші», «Көктем бояулары», «Ақ қанатты армандар» атты кітаптарын оқуға ұсынды. Ж.Бегманова атындағы «Ақ әжелер» ансамбілі Ш.қалдаяқовтың «Арыс жағасында» әнін нақышына келтіре орындады. Шараны М.Көкенов атындағы Б.Байкенжеев шығармашылық мектебінің жетекшісі Ә.Байкенжеев «Жаңақорған» әнімен қортындылады.