«Қыран елім Қазақстаным» атты тарихи танымдық кеш

24 қазан күні А.Сопыбеков атындағы аудандық орталық кітапхананың ұйымдастыруымен 25 қазан — Республика күніне орай «Қыран елім Қазақстаным» атты Қыран негізгі мектебінің тәрбие жетекшісі Ф.Маханова және мектеп оқушыларымен тарихи танымдық кеш өтті. Мақсаты: Жастарды өз Отанын сүюге, туған халқының тілін, мәдениетін, салт-дәстүрін қастерлейтін саналы да парасатты азаматтар тәрбиелеу.

Шара барысында кітапхана қызметкері Айнұр Шарап оқырмандарды мерекемен құттықтап, еліміздің тарихын, даму жолын айтып өтті. Сондай-ақ оқырмандарға аталған тақырыпта арнайы дайындалған видеоролик көрсетіліп, кітап көрмесі ұйымдастырылды. Сонымен қатар кітапхананың тұрақты оқырмандары Отанға, туған жерге деген сүйіспеншіліктерін көрсетіп, өлең жолдарын жатқа оқыды.